एनसिसी र एनबीका साझा लगानीकर्ता भएको भन्दै बंगलादेशी साझेदारसँग छलफल, पुससम्म साधारणसभा

काठमाडौं। नेपाल क्रेडिट एन्ड कमर्स (एनसिसी) बैंक र एनबी (नेपाल बंगलादेश बैंक) को मर्जर प्रकृया अगाडि वढेको छ। नेपाल राष्ट्र बैंकको पहलमा दुई कम्पनी मर्जर प्रकृया अगाडि वढेको हो।

 

सञ्चालक समिति जिम्मा लिएको राष्ट्र बैंकले एनसिसी बैंकको मर्जरका लागि संस्थापक सेयरधनीहरुसँग छलफल गरिसकेको छ भने एनबी बैंकको बंगलादेशी साझेदारसँग पनि कुराकानी गरेको छ। 

 

'हामीले दुवै संस्थाका प्रमुख सेयरधनीहरुसँग कुराकानी गरिसकेका छौं,' नेपाल राष्ट्र बैंकको बैंक सुपरिवेक्षण विभागका कार्यकारी निर्देशक लक्ष्मीप्रपन्न निरौलाले बिजमाण्डूसँग भने, 'दुबै बैंकमा साझा साझेदार भएका कारण मर्जरका लागि छलफल चलाएका हौं।' उनले बंगलादेशी साझेदारहरु मर्जरको बिषयमा सकारात्मक रहेको जानकारी दिए ।

 

सुरुमा एनसिसी बैंकमा सञ्चालक समिति अध्यक्ष भएर गएका निरौलाका अनुसार, सञ्चालक समिति जिम्मा लगाउनुअघि बैंकलाई मर्जरमा लैजाने प्रकृया थाल्नु पर्ने हुन्छ, यसका लागि पहल सुरु भइसकेको छ। 'एउटै समूह प्रबर्द्धक रहेको बैंक तथा वित्तीय संस्थाहरुसँग मर्जर पहिलो प्राथमिकता हो,' उनले भने।

 

राष्ट्र बैंकबाट खटिएको सञ्चालक समितिले बैंकको ०.५ प्रतिशतभन्दा वढी संस्थापक सेयर भएका लगानीकर्तासँग मर्जरको बारेमा छलफल गरिसकेको छ। प्रवर्द्धकहरुले राष्ट्र बैंकलाई मर्जरमा जाने बिषयलाई सकारात्मक रुपमा लिँदै प्रकृया अगाडि वढाउन आग्रहसमेत गरिसकेका छन्। 

 

बैंकले पुँजी बृद्धिका दागि ३८ प्रतिशत वोनस सेयर जारी गर्ने निर्णय पनि गरिसकेको छ। राष्ट्र बैंकले नै सञ्चालक समिति हेरिरहे पनि बैंकको साधारणसभा गर्ने मिति भने टुङ्गो लागिसकेको छैन। 'पहिले मर्जर टुङ्गो लगाएपछि साधारणसभा हुन्छ,' उनले भने, 'बढीमा पुस मसान्तसम्म साधारणसभा गर्ने योजना छ।'

 

राष्ट्र बैंकले यसअघि पनि एउटै प्रवर्द्धक समूह रहेका फरक संस्थालाई निर्देशन दिएर नै मर्ज गर्न लगाएको थियो। ग्लोबल बैंकसँग आइएमइ फाइनान्सियल इन्स्टिच्युट र एनआइसी बैंकसँग बैंक अफ एसिया नेपाल मर्ज भएको थियो। यसबाहेक अरु संस्था पनि एउटै प्रबर्द्धक रहेका कारण मर्जमा गएका थिए।

 

राष्ट्र बैंकले पुसभित्रै दुई आर्थिक बर्षको बार्षिक साधारणसभा गर्ने योजना बनाएको छ। बैंकको व्यवस्थापन पनि धेरै ढिला नगरी साधारणसभा सक्ने योजनामा छ। 

 

बैंकको अहिले चुक्ता पुँजी एक अर्ब ४७ करोड रुपैयाँ छ। असार मसान्तसम्म बैंकले दुई अर्ब पुँजी पुर्‍याउनु पर्ने राष्ट्र बैंकको निर्देशन नै छ। बैंकले दुई अर्ब पुँजी पुर्‍याउन करिव ३८ प्रतिशत वोनस सेयर वितरण गर्ने प्रस्ताव गरिसकेको छ।

Bizmandu

विराटलक्ष्मीले ४७.२३ प्रतिशत लाभांस दिने, ४५ प्रतिशत वोनस सेयर, निक्षेप चार अर्ब रुपैयाँ नजिक

काठमाडौं। विराटलक्ष्मी विकास बैंकले ४७.३७ प्रतिशत लाभांस दिने भएको छ। बैंकले सञ्चित नाफाबाट लाभांस दिन लागेको हो। बैंकले ४५ प्रतिशत वोनस सेयर र २.३७ प्रतिशत नगद लाभांस दिन लागेको हो। 

 

विकास बैंकको आइतवार बसेको सञ्चालक समितिको बैठकले बोनश सेयर वितरणको प्रस्ताव पारित गरेको हो। बैंकको लाभांस राष्ट्र बैंकले स्वीकृत गरेपछि बार्षिक साधारणसभाले अनुमोदन गर्नु पर्छ। त्यसपछि मात्र लगानीकर्ताले पाउने छन्। 
 

बैंकको हाल तीन अर्व ८८ करोड २२ लाख ७९ हजार निक्षेप संकलन गर्नका साथै दुई अर्व ५६ करोड २६ लाख ९६ हजार कर्जा लगानी रहेको छ।  

- See bizmandu

दुई दिनमा बजार ३३ अंकले घट्यो, सोमबार मात्रै १८ अंकले गिरावट, कारोबार रकम घट्यो

काठमाडौं। सेयर बजार दुई दिनमा ३३ अंकले घटिसकेको छ। सोमबार मात्र बजार १८ अंकले घटेको छ। तर बजार घट्नु पर्ने खासै कारण नरहेको सरोकारवालाहरुले बताएका छन। अहिले पहिलो त्रैमाशको वित्तीय विवरण प्रकासित गरेका कम्पनीहरुले राम्रो पफर्मेन्स गरेको देखिन्छ। सञ्चिती नोक्सानमा रहेका कम्पनीको पनि यस्तो नोक्सान घटेको देखिन्छ, सेयर विश्लेषक अमृतनाथ रेग्मीले भने। 

अहिलेको मुख्य समस्या भनेकै सीडीएस एण्ड क्लियरिङ लिमिटेडले लगानीकर्तालाई खाता खोल्ने र डिम्याट कारोबार गर्ने बारेमा स्पष्ट रुपमा बुझाउँन नसकेकोले हो, रेग्मीले भने। उनले चुक्तापूँजी वृद्धि गरिसकेका बैंक तथा वित्तीय संस्थाले नगद लाभांशमा जोड दिनु, राजनीतिमा अस्थिरता देखिनुले पनि बजार घटेको बताए। 

प्रिमो सेक्युरिटिजका प्रमूख कार्यकारी अधिकृत मेघनाथ उपाध्यायले भने केही लगानीकर्ताहरु अहिले लघुविद्युत् क्षेत्रमा आकर्षित भएकोले पनि बजारमा थप लगानी भित्रिन नसकेको बताउँछन। ‘ अहिले काठमाडौंमा २०, २५ लाख हुनेहरु पश्चिम तिर एक दुई मेगावाट जलविद्युत्मा लगानी गरिरहेका छन्, ’ उपाध्यायले भने। 

बजार घट्नुमा सीडीएससी सञ्चालन प्रक्रियाबारे बढेको अन्यौल र राजनीतिक अस्थिरतालाई नै लगानीकर्ताहरुले मुख्य कारणको रुपमा लिएको उपाध्याायको पनि तर्क छ। तर बजार घटेको समयमा प्रवेश गर्नु उत्तम हुने भन्दै लगानीकर्ताहरुलाई यो समय बजार भित्रिन उनीहरुले सुझाव दिएका छन। 

सबै उपसुचकहरु झरेका छन्। सबैभन्दा वढी जलविद्युत् ७८.५२ अंक, बिमा ५१.२३ अंकले घटेको छ। यसैगरी बैंकिङ सुचक १९.०६ अंकले घटेको छ भने होटल, विकास बैंक उत्पादनमूलक तथाअन्य सुचक १० अंक माथिले घटेको छ। कम घट्ने फाइनान्स सुचक मात्र छ।

बीटी लोन जारी हुन ठप्प जस्तै रहेकोले पनि बजारमा लगानी बढ्न सकेको छैन। बजार घटेको मौकमा लगानीकर्ताहरुले बैंकहरुको सेयर भने उठाइरहेका छन। यस दिन सबैभन्दा धेरै रकमको कारोबार हुने १० मा सात कम्पनी वाणिज्य बैंक रहे। 

चिलिमे जलविद्युत्काे सबैभन्दा धेरै दुई करोड २७ लाख रुपैयाँको कारोबार भयो। त्यस्तै, माछापुच्छ्रे बैंक, नेपाल बंगलादेश, नेपाल बैंक, सिभिल, नबिल, एनआइसी एसीया, बिराट लक्ष्मी बिकास , नेशनल हाइड्रोपावर, एनसीसी बैंकको सबैभन्दा धेरे रकमको कारोबार भएको हो। 

क वर्गमा सुचिकृत कम्पनीहरुको सुचक पनि चार अंकले घटेको छ। बजारमा १९ करोड ७५ लाख रुपैयाँको सेयर किनबेच भएको छ। १२९ वटा कम्पनीको सेयर कारोबार भएको नेप्सेले जनाएको छ।

bizmandu

नेपाल बैंकको विशेष साधारणसभा मंसिर २८ मा, सर्वसाधारणतर्फका २ संचालक चुनिने

नेपाल बैंक लिमिटेडको विशेष साधारणसभा मंसिर २८ मा हुने निश्चित भएको छ । विदेशी ब्यवस्थापन समूह र नेपाल राष्ट्र बैंकको पहलमा उल्लेखनीय सुधार भएपछि  विशेष साधारणसभा गरेर निर्वाचित संचालक समितिलाई बैंक हस्तान्तरण गर्न लागिएको हो ।

झण्डै १६ बर्षपछि नेपाल बैंकको साधारणसभाको मिति तोकिनुले त्यसका लगानीकर्ताहरुलाई उत्साहित बनाएको छ । 

बैंकमा ६२ प्रतिशत सरकारको र ३८ प्रतिशत सर्वसाधारणको स्वामित्व रहेकाले अधिकांश संचालक समिति सदस्यहरु सरकारले नै मनोनीत गर्ने भएको छ । मंसिर २८ को साधारणसभाले सर्वसाधारणतर्फबाट २ संचालकको निर्वाचित गर्ने छ । राष्ट्र बैंकले पठाएको प्रा. डा देबराज अधिकारी नेतृत्वको ब्यवस्थापन समितिलाई यही मंसिर मसान्तसम्म साधारणसभा गरी बैंक निर्वाचित संचालक समितिलाई हस्तान्तरण गर्ने कार्यादेश छ । 

बैंकको शाखा संजाल, जनशक्ति र सम्पति अधिक रहेका कारण कुशल ब्यवस्थापन भएमा आगामी दिनमा धेरै प्रगति गर्नसक्ने संभावना छ । नेपालको सबैभन्दा जेठो नेपाल बैंकले आधुनिक बैंकिङ प्रणालीको विकास गर्दै अन्य प्रतिस्पर्धी निजी बैंकहरुकै तुलनामा ग्राहकहरुलाई सेवा दिन थालेको छ । 

नेपाल बैंकले चालु आर्थिक बर्षको पहिलो त्रैमासमा गत बर्षको सोही अबधिको तुलनामा १ हजार १ सय ७५ प्रतिशत भन्दा बढीले खुद नाफा गर्न सफल भएको छ । बैंकले यस त्रैमासमा २६ करोड ९१ लाख रुपैयाँ खुद नाफा गरी प्रतिशेयर आम्दानी २७ रुपैयाँ कायम गरेको छ ।  गत बर्षको पहिलो त्रैमासमा खुद नाफा २ करोड ११ लाख मात्र थियो । बैंकको निस्क्रिय कर्जा ४.७८ प्रतिशत मात्र छ । बैंकको निक्षेप लागत निकै कम अर्थात ३.४९ र मूल्य आम्दानी अनुपात १४.३६ रहेको छ । बैंकले सम्पति बिक्री र २ अर्बको डिबेन्चर जारी गरेर पूँजी कोष बढाउने नीति लिएको छ ।

अब एनसेलको नेटवर्कबाट बिजमाण्डू अनलाइन निशुल्क हेर्न सकिने, यसरी गर्नुहोस् एक्टिभेट

काठमाडौं। देशकै प्रमुख मोवाईल सेवा प्रदायक कम्पनी एनसेलले न्युज प्याक नामक विशेष अफर ल्याएको छ। यसअन्तर्गत  एनसेलका ग्राहकले अब तीन वटा समाचार वेबसाईट निःशुल्क ब्राउज गरी समाचार तथा समसामयिक विषयको जानकारी प्राप्त गर्न सक्नेछन्।

न्युज प्याक कात्तिक २६ गतेबाट लागु हुनेछ। यसअन्तर्गत एनसेलका ग्राहकले  प्याक एक्टिभेट गरी तीन वटा समाचार पोर्टल www.bizmandu.com, www.onlinekhabar.com तथा www.setopati.com निःशुल्क ब्राउज गर्न सक्नेछन्।

नसेलका ग्राहकले www.ncellsansar.com.np मा गई त्यहाँ रहेको न्युज प्याकको आइकनमा क्लिक गरेर सहजै न्युज प्याक सुचारु गर्न सक्नेछन्। प्याक एक्टिभेट नगरि यी वेबसाईट ब्राउज गरेमा नियमित डाटा शुल्क लाग्नेछ। यी वेबसाईटमा रहेका बाहिरी लिङ्क र भिडियो लिङ्क प्रयोग गरेमा पनि नियमित डाटा शुल्क लागु हुनेछ। प्याक अन्तर्गतको सुविधा प्रोक्सी ब्राउजर रहेका मोवाईल सेटमा लागु हुने छैन।

आफ्ना ग्राहकलाई सूचना, समसामयिक विषयको ज्ञानमा सहज पहुँच पुर्‍याउने प्रतिबद्धता अन्तर्गत विभिन्न अफर ल्याउने क्रममा एनसेलले न्युज प्याक ल्याएको एनसेलकी कर्पोरेट कम्युनिकेसन्स निर्देशक सञ्जु कोइरालाले जानकारी दिइन्।

'निःशुल्क विकिपिडिया पश्चात आएको यो अफरले हाम्रा ग्राहकलाई नेपाल तथा विश्वका ताजा खवर तथा समसामयिक विषयबारे जानकारीमा सहज पहुँच पुर्‍याइ उनीहरुलाई सुसूचित रहन योगदान पुर्‍याउने छ,' कोइरालाले भनिन्।  यो अफर ३ महिनासम्म जारी रहने छ।

copy pest: Bizmandu

बाणिज्य बैंकको नाफा १३ प्रतिशतले बृद्धि, नबिल र इन्भेष्टमेन्टको उच्च नाफा, दुई बैंक घाटामा

काठमाण्डौं। चालु बर्षको पहिलो त्रैमाश (साउनदेखि असोजसम्म) मा बाणिज्य बैंकहरुले १३.२७ प्रतिशतले नाफा बढाएका छन्। सञ्चालनमा रहेका ३० मध्ये २८ बैंकको खुद नाफा १३ प्रतिशतले बृद्धि भएको हो।

 

गत बर्ष यतिबेला तीन अर्ब ८१ करोड नफा गरेका बैंकले यसपाली चार अर्ब ३२ करोड नाफा पुर्‍याएका छन्। 

 

राष्ट्रिय वाणिज्य बैंक र सिभिल बैंकले आइतबारसम्म वित्तीय विवरण प्रकाशित गरेका छैनन्। प्रभु बैंक र ग्राण्ड बैंक नेपाल खुद नोक्शानीमा गएका छन्। प्रभु बैंक ११ करोड ६८ लाख नोक्सानमा छ भने ग्राण्ड बैंक २८ करोड नोक्शानमा छ। 

Bank (Rs.000)	Net Profit 2071 Ashoj	Net Profit 2070 Ashoj	Change %	NII 2071 Ashoj	NII 2070 Ashoj	Change %	Spread %
Global IME	222785	271428	-17.92	561966	353940	58.77	4.8
Nmb	142793	90806	57.25	253813	169462	49.78	4.65
Ncc	102789	32566	215.63	183005	130746	39.97	3.04
Ebl	391137	351094	11.41	712176	653696	8.95	5.67
Bok	165867	122208	35.73	348421	290948	19.75	4.54
Citizens	110343	103787	6.32	300625	227929	31.89	4.82
Lumbini	80617	24811	224.92	150921	98417	53.35	4.95
Sbi	256210	222797	15.00	468643	398640	17.56	4.4
Nabil	504859	457898	10.26	925407	856350	8.06	4.3
NIB	491318	462610	6.21	704405	679672	3.64	4.5
Siddartha	144152	105611	36.49	295642	225884	30.88	3.7
Machhapuchare	190355	67403	182.41	343302	210487	63.10	4.57
Mega	80945	101861	-20.53	197021	195421	0.82	3.48
janta	21362	-59826	-135.71	138518	119781	15.64	2.06
SCB	349772	334205	4.66	498051	526161	-5.34	5.97
sanima	130925	86309	51.69	244992	167551	46.22	4.6
NIC Asia	154263	144948	6.43	407788	400862	1.73	3.27
Nepal bank	269199	21144	1173.17	596489	438327	36.08	3.36
prabhu bank	-116832	-27440	325.77	247122	150197	64.53	4.14
kumari bank	32836	46463	-29.33	179779	157634	14.05	1.12
sunrise	95025	93235	1.92	235526	222257	5.97	4.76
prime	161637	123741	30.63	330609	177189	86.59	3.45
century	35569	23930	48.64	136525	67370	102.65	4.38
agriculture	215063	237071	-9.28	1081304	1058093	2.19	7.28
laxmi bank	55330	5190	966.09	192449	59430	223.82	3.5
NBB	46636	141591	-67.06	156900	194530	-19.34	3.92
Grand	-280630	57409	-588.83	-33	136512	-100.02	5.64
Himalayan	268630	173504	54.83	590377	506290	16.61	4.74

नाफामा गुणात्मक बृद्धि लक्ष्मी बैंकले गरेको छ। बैंकको नाफा ११ गुणाले बढेर पाँच करोड ५३ लाख रुपैयाँ पुगेको छ। ग्लोबल आइएमइमा मर्ज भइसकेका कम्पनीहरुको वित्तीय विवरण भने गत आवको वित्तीय विवरणमा जोडिएको देखिदैन, जसले गर्दा वित्तीय विरण तुलना गर्दा तथ्यांक फरक पर्न जान्छ। 

 

रकमको आधारमा भने सबैभन्दा धेरै नाफा नबिल र नेपाल इन्भेष्टमेन्ट बैंकको छ।  नबिलले ५० करोड ४८ लाख रुपैयाँ र नेपाल इन्भेष्टमेन्टले ४९ करोड १३ लाख रुपैयाँ नाफा छ। 

 

'वाणिज्य बैंकहरुको परफरमेन्स राम्रै देखिएको छ, तरलता उच्च छ भनिरहँदा पनि बैंकहरुको नाफा वृद्धिदर सन्तोषजनक छ,' हिमालयन बैंकका प्रमूख कर्यकारी अधिकृत अशोक राणाले भने। उनका अनुसार, अहिले बैंकहरुको कर्जा बढिरहेको र व्याजदर धेरै नघटेकाले व्यावसयमा प्रगति देखिएको छ। 

 

बैंकहरुको निक्षेप २० प्रतिशतले बढेर १० खर्ब ९७ करोड र कर्जा २५ प्रतिशतले बढेर आठ खर्ब ७८ अर्ब रुपैयाँ पुगेको छ। 

 

बैंकहरुले कुल कर्जाको ७.२१ प्रतिशत रकम रियल इस्टेट क्षेत्रमा लगानी गरेका छन्। बैंकहरुको यो क्षेत्रमा कुल लगानी ९.४५ प्रतिशतले बढेर ६३ अर्ब ३७ करोड रुपैयाँ पुगेको छ। 

Bank	Real estate (Rs.000)	Margin lending (Rs.000)	base rate %	EPS (Rs)	PE Ratio	ROE
Global IME	1733930.0	563370.0	11.2	17.8	39.0	13.5
Nmb	1289748	130229.0	7.78	28.56	17.75	18.25
Ncc	952858	3000	8.8	20.98	20.21	11.29
Ebl	2636579	520515	6.07	77.55	24.64	29.31
Bok	965451	65542	7.09	31.29	18.02	18.13
Citizens	2945942	771250.0	7.59	18.55	24.42	15.39
Lumbini	1456308	219283	8.16	16.12	20.91	16.12
Sbi	1725251	0.0	8.17	38.7	25.7	22.0
Nabil	4926795.0	0.0	5.81	65.7	35.6	24.0
NIB	4483350.0	63213.0	6.49	41.2	18.6	23.4
Siddartha	3295320.0	295382.0	7.85	28.4	24.7	18.3
Machhapuchare	2333369	177616	7.69	27.43	17.68	0
Mega	356677	0.0	7.77	3.47	28.97	11.5
janta	937771	755420.0	8.35	4.15	65	3.76
SCB	1440493	0	5.28	62.3	33.63	25.73
sanima	1010785	454380.0	7.9	20.2	24.3	17.3
NIC Asia	2828808	2008165	7.35	26.69	30	12.27
Nepal bank	1877270	1236414	7.27	27.15	14.36	26.97
prabhu bank	2600803	772072	8.22	-3.64	0	-4.19
kumari bank	2061639	675447	8.33	16.58	34.38	1.02
sunrise	2026556	141715	8.3	16.99	22.95	12.82
prime	3878515	1567258	7.85	24.5	20.9	17.18
century	7122233	97203	8.49	7.11	158	6.36
agriculture	557492	0	9.43	14.81	34.56	5.04
laxmi bank	1493549	258793	8.07	8.95	69.16	6.54
NBB	1398400	80870	8.24	7.67	75	4.49
Grand	2440329	35056	8.76			-380
Himalayan	2603121	413059	7.33	37.08	23.46	17.02

बैंकहरुको सेयर धितोमा कर्जा पनि ८६ प्रतिशतले बढेर ११ अर्ब ३० करोड रुपैयाँ पुगेको छ। कुल कर्जाको तुलनामा यो रकम १.२८ प्रतिशत मात्र हो। 

 

बैंकहरुको खुद व्याज आम्दानी १८.१२ प्रतिशतले बढेर १० अर्ब ४८ करोड रुपैयाँ पुगेको छ। अधिकांश बैंकको व्याज लागत पनि घटेको देखिन्छ। नेपाल बंगलादेश बैंकको १९ प्रतिशत र स्ट्याण्डर्ड चार्टर्ड बैंकको पाँच प्रतिशतले व्याज आम्दानी घटेको छ। मेगा बैंक, कृषि बिकास बैंक र नेपाल इन्भेष्टमेन्ट बैंकको यस्तो आम्दानी निकै कम दरले बढेको छ। 

Bank (Rs.000)	Paid up	Reserve	Operating profit	Provision	Write Back
Global IME	5011600	1574071	330516	135555	15845.0
Nmb	2000000	1208878	194587	18044	17495
Ncc	1470000	1289069	91882	32068	37937
Ebl	2137388	3710897	611918	34042	0
Bok	2120212	1594214	253742	18004	4522
Citizens	2379540	488078	165883	96719	0
Lumbini	2000833	627231	61419	60013	30761
Sbi	2650206	2327943	388272	32939	13269.0
Nabil	3656602	5860542	783936	149285	1447.0
NIB	4768714	3648083	538720	197912	235793.0
Siddartha	2031180	1113866	202761	46763	0.0
Machhapuchare	2776250	649750	196810	54066	18691
Mega	2330000	513000	126977	24810	0
janta	2060000	168590	-21076	101653	53845
SCB	2245839	3192023	486600	38855	57899
sanima	2550240	414082	203205	27966	599
NIC Asia	2658285	2369010	220798	98973	19757
Nepal bank	6455002	-2329754	40364	91802	320941
prabhu bank	3208885	-419775	-323130	411894	196836
kumari bank	2431682	567761	42440	91022	8137
sunrise	2349428	617535	140758	22573	9415
prime	2638699	1166271	206220	100702	47780
century	2000000	273625	52514	45966	3475
agriculture	9636800	6310638	136198	316491	154151
laxmi bank	2337966	888360	67847	132420	0
NBB	2431369	1725506	50534	73913	22687
Grand	2000000	-1704243	-336477	292571	55847
Himalayan	2898000	3644846	415013	60215	0

बैंकहरुको खुद व्याज आम्दानीमा सुधार भएपछि पुँजी लागत (कस्ट अफ फन्ड) पनि घटेको छ। औसतमा २८ कम्पनीको पुँजी लागत ४.५२ प्रतिशत छ। ग्राण्ड बैंकको यस्तो लागत सबैभन्दा धेरै सात प्रतिशत र स्ट्याण्डर्ड चार्टर्डको सबैभन्दा कम २.१ प्रतिशत छ। 

 

अघिल्लो बर्ष बैंकहरुले राइट ब्याकका कारण नाफा बढाए पनि यसपटक त्यस्तो देखिएको छैन। आठ वटाले राइट ब्याक रकम बढाएका छन् भने १० वटाको घटेको छ। जनता, एनआइसी एसिया र प्रभु बैंकले पनि यसपटक राइट ब्याक गरेको देखिन्छ। बैंकहरुको जोखिम वापत हर्जाना रकम ११ प्रतिशतले बढेको छ। बैंकहरुले यसअघि दुई अर्ब ५० करोड रुपैयाँ यस्तो व्यवस्था अर्न्तगत रकम छुट्याएकोमा यसपटक दुई अर्ब ८० करोड रुपैयाँ पुर्याएका छन।

 

कुल कर्जामा खराब कर्जाको हिस्सा सबैभन्दा धेरै हुनेमा ग्राण्ड र प्रभु बैंक रहेका छन। बैंकहरुको क्रमश २५ र १५ प्रतिशत खराब कर्जा छ। 

copy pest:विजयराज खनाल/बिजमाण्डू