नेपाल स्टक एक्सचेन्जमा सोमबार भएको कारोबारमा बीमा कम्पनीहरुले लगानीकर्ताको ध्यान खिचेको पाईएको छ ।
कारोबारमा आएका अधिकांश बीमा कम्पनीहरुको शेयर मूल्य बढ्नुका साथै उल्लेखनीय रकमको कारोबार भएको छ । नेप्सेमा ५ अंकको बढोत्तरी भई परिसुचक ९३५ पुगेकोमा बीमा समूह सुचक १०१ अंकले बढेको छ । कारोबार रकम पनि अघिल्लो दिनको तुलनामा दोब्बर भन्दा बढी भई ३३ करोड नाघेको छ ।
कारोबार रकममा बीमा तर्फ नेशनल लाईफको प्रबद्र्धक शेयर ३ करोड ५५ लाख ६९ हजार रुपैयाँमा कारोबार भयो भने नेपाल लाईफ, एशियन लाईफको पनि शेयर मूल्य बढेर उल्लेखनीय रकमको कारोबार गरे । त्यसैगरी गुँरास लाईफको प्रबद्र्धक शेयरको पनि ठूलो कारोबार भएको छ ।
सोमबार सोल्टी होटलको कारोबारले सबैलाई उछिनेर ४ करोड ७९ लाख रुपैयाँ बराबरको शेयर खरिद बिक्री भएको छ । सोमबार लघुवित्त कम्पनीहरुको पनि शेयर मूल्य बढेको छ । त्यस्तै टुरिजम विकास बैंक, काष्ठमण्डप विकास बैंक, प्रुडेन्सियल ईन्स्योरेन्सका शेयर मूल्य घटे । यस दिन जलविद्युत, विकास बैंक र होटल समुह सूचक घटेका छन् ।
बीमामा आकर्शण किन ?
बाणिज्य बैंक र अरु समूहका कम्पनीको तुलनामा बीमा कम्पनीको संख्या तथा शेयर पूँजी कम रहेकाले माग र आपुर्तिको सन्तुलन कायम नहुँदा मूल्य घटबढ हुने गरेको छ । तर, तिहार लगत्तै शेयर बजारमा बीमाका शेयरप्रति आकर्शण बढ्नुको तर्कसंगत कारण देखिएको छैन् । कतिपय लगानीकर्ता निकट भविष्यमा बीमा क्षेत्रको पूँजी तथा कारोबार बृद्धि हुने आंकलनका आधारमा बीमातर्फ आकर्शित भएको पाईएको छ ।
बीमा क्षेत्रको तुलनामा बाणिज्य बैंक, जलविद्युत र लघुवित्तका कम्पनीहरुको आम्दानी बढी नै भए पनि बीमा कम्पनीहरुको शेयरमा लगानीकर्ताको आकर्शण बढ्नुमा हल्लाले पनि काम गरेको हुनसक्ने विष्लेषण गरिएको छ । बैंक तथा बित्तीय संस्थाले क्रस होल्डिङ नहुने भएकाले बीमाका शेयर उठाउंदा पनि माग र आपुर्तिको अबस्थामा फरक पर्न जाने भई शेयर मूल्य बढ्ने गरेको छ ।
अर्को तर्फ, उपेन्द्र महतोलगायतका ठूला लगानीकर्ता हालै बीमा क्षेत्रमा प्रबेश गरेकाले पनि धेरै लगानीकर्ताको ध्यान यसतर्फ तानिएको मान्न सकिन्छ । तर हल्लाका भरमा शेयर मूल्य माथि गएको बेला लगानी गर्दा साना लगानीकर्ता फस्ने संभावना पनि उत्तिकै भएकाले राम्रा कम्पनी छनौट गरेर लगानी गर्नु उचित हुने शेयर विश्लेषकहरु बताउंछन् । Mero Lagani
No comments:
Post a Comment