सेयर बजार बढ्दो क्रममा, बजार ३.६ अंकले बढ्यो, जलविद्युत् र बैंकिङ समूहमा बृद्धि, बिमा घट्यो

काठमाडौं । बैंकिङ, होटल र जलविद्युत उपसुचक बढेपछि सेयर बजार हरियो भएको छ । साताको अन्तिम कारोबार बिहीबार बजार ३.६ अंकले बढेर ८५३.७६ अंक पुगेको छ । बजार बढे पनि कारोबार रकममा खासै सुधार हुन सकेको छैन । बिहीबार १८ करोड तीन लाख रुपैयाँ बराबरको कारोबार भएको छ । 

सुरुमा बजार सात अंकभन्दा वढीले उचालिएको थियो । पछि क्रमस घटेको हो । बजारमा ११८ वटा कम्पनीको सेयर कारोबार भएको छ । बिहीबार सबैभन्दा वढी जलविद्युत् समूह १३.२१ अंकले वढेको छ । त्यसपछि बैंकिङ ६.८४, होटल ४.५५ र विकास बैंक ०.३५ अंकले बढेको छ ।
 

फाइनान्स, बिमा, उत्पादनमूलक र अन्य सुचक भने घटेका छन् । सबैभन्दा वढी बिमा समूह १८.५३ अंकले घटेको छ । यसपछि उत्पादनमूलक ५.१९, अन्य १.१७ र फाइनान्स ०.१८ अंकले घटेको छ ।
 

सबैभन्दा वढी नबिल बैंकको सेयर मूल्य वढेको छ । नबिलको प्रतिकित्ता ४९ रुपैयाँले मूल्य वढेको छ । यसपद्धि स्वाभलम्वन विकास बैंकको ३०, सगरमाथा इन्स्योरेन्सको २२ र स्ट्यान्डर्ड चार्टर्ड बैंकको १८ रुपैयाँले मूल्य वढेको छ । ५८ वटा कम्पनीको मूल्य वढेर कारोबार भएको छ । 
 

मूल्य घट्नेमा युनिभिर (१००), नेपाल लाइफ (४०), नेशनल लाइफ (३३), नागवेली लघुवित्त विकास बैंक (२९ रुपैयाँ) छन् । कुल ४७ कम्पनीको मूल्य घटेको छ । १३ कम्पनीको मूल्य स्थिर छ ।

-bizmandu