शेयर बजारबारे जनचेतना विस्तार गर्न नेपाल स्टक एक्सचेन्ज (नेप्से) ले कर्पोरेट बुल रेस आयोजना गर्ने भएको छ ।
नेप्सेले आफ्नो २२ औं बार्षिकोत्सवको अवसर पारेर यही मंसिर २६ गते पहिलो चरणको कार्यक्रम हुने जनाईएको छ ।
नेप्से कर्पोरेट बुल रेसमा निमायक निकाय, सूचीकृत कम्पनी, धितोपत्र ब्यवसायीहरु, लगानीकर्ताका संघसंस्थाहरु र संचार प्रतिष्ठानहरु सहभागी हुनसक्ने नेप्सेले जनाएको छ ।
कार्यक्रमका सहभागीबाट केही शुल्क लिएर संस्थागत सामाजिक उत्तरदायित्वका कामहरुमा पनि परिचालन गरिने भएको छ । यसमा संकलन हुने रकम बराबर नेप्सेले रकम थप्ने भएको छ । कसरी कार्यक्रम आयोजना गरिने र सहभागीको भुमिका के हुने भन्नेबारे नेप्सेले प्रष्ट पार्न बांकी रहेको छ ।
कार्यक्रमबाट पूँजी बजारको प्रबद्र्दन, लगानीकर्ताको हित संरक्षण र संस्थागत सामाजिक उत्तरदायित्व निर्वाहमा महत्वपूर्ण योगदान मिल्ने विस्वास लिईएको नेप्सेको भनाई छ ।
Mero lagani
Dec 04, 2014
Dec 04, 2014
No comments:
Post a Comment